Concepción Jerére

Papi Meza y Su Gran Conjunto Paraguayo

Compositor: Emiliano R. Fernàndez / Aristóbulo Aguilera

Pende vállepe iko'ê
Guyra iñextrañoitéva
Concepcionera peiméva
Peñembyaty cherehe
Ko'ápe pohechase
Aunque soy desconocido
Ajúnte poñandumívo
Siquiera ko ipahaite

Puerto Casado-gui aju
Ajehekýi sapy'ánte
Ndaha'éi de atorrante
Asêva amuña yvytu
Pero ko'ãga añandu
Penendive avy'áta
Ko'águi katu aváta
Kyvô aheka mborayhu

Che pichónpemi va'ekue
Aikómi pende apytépe
Primera Zona cuartélpe
Mitã akãguasuete
13 años upehague
Ndaha'evéima zoncera
Opáma che yvotykuéra
Upe tiémpope guare

Ko'águi tañatõimi
Ko'ã opu'ã pyahúva
Noiméipa algún che rayhúva
Guaina ra'y morotî
Che suertese michîmi
Tamonei la che áma
Porque che ya añandupáma
Tujágui añemo'ãguî

Ko ciudad-gui asêvove
Ku Rincón ahechamíta
Kyvõgotyove Savita
Yma che vy'ahague
Ikatúrõ ahasase
Requejo ha amo Belén-pe
Oime peteî almacén-pe
Che poncho aempeñahague

Horqueta lado taha
Tasê Paso Urunde'ýpe
Ha umi Araújo reindýpe
Tambopumi mbaraka
Enseguida tahasa
Ku Guggiari ka'atýpe
Callejón Hugua Hovýpe
Latorre-pe tapyta

Upégui tajevymi
Taguahê Felipa'ípe
Ha upégui katu Kalípe
Tajukami sevo'i
Oime kapi'i katî
Oime pytu ombyakúva
Oime milómbre ha ruda
Ha el puro guavirami

Ijamíramo ahase
Ajovahéi Ypanéme
Ha amo Pedrozo rokême
Taja ko'êmba jave
Tahechami mokõive
Tajýra, estrella temprana
Ku Fidencia ha Marciana
Ta'a che re'ônguete

Peja tapohetûmi
Lozana concepcionera
Amombe'úta che réra
Ikatúko poserví
Chéngo aikóva añemi
En esa selva lejana
Chéje aipo Guyra Campana
Guyra pepo morotî